Qazaqstandyq ǵalymdar Top Springer Author halyqaralyq syılyǵynyń laýreattary atandy

Bıyl syılyqtyń laýreattary atanǵandar: Qazaqstannan - 18 ǵalym, Qyrǵyzstannan - 2 ǵalym: Aıbek Mırrahımov (medıtsına), Rýslan Ýrýsov (tómen temperatýralyq plazmany matematıkalyq modeldeý); Ózbekstan ǵalymdary: Ýtkır Rozıkov (matematıka), Borıs Oksengendler (hımııa jáne polımerler fızıkasy); Tájikstannan - 2 ǵalym: Lýtfýllo Solıev (jalpy jáne organıkalyq emes hımııa), Izatýllo Ganıev (hımııa, metallýrgııa).

Qazaqstan ǵalymdarynyń ishinen Top Springer Author nomınatsııasynda atap ótilgender: Ratbaı Myrzaqulov, matematıka, teorııalyq fızıka, bıofızıka, Serǵazy Myńjasaruly Ádekenov - bıoorganıkalyq hımııa jáne tabıǵı qospalar hımııasy, Bolat Qońyruly Qasenov - organıkalyq emes hımııa, fızıkalyq hımııa, hımııalyq termodınamıka, materıaltaný, Marat Ábjanuly Júsipov - teorııalyq ıadrolyq fızıka, Erlan Dáýitbekuly Nursultanov  - matematıka, Elena Tóleýbekqyzy Ybyraeva - ıadrolyq fızıka, Jaqsyntaı Qaıyrbekov - hımııa, Ońalsyn Imambekov - fızıka.

Qazaqstan ǵalymdarynan Top Springer Author «Jas ǵalymdar» atalymynda atap ótilgender: Maksım Zdorovets - ıadrolyq fızıka, nanotehnologııalar jáne jańa materıaldar, Nııaz Toqmaǵambetov - matematıka, Bolat Oralbekov - hımııa, Artem Kozlovskıı - magnıttik nanoqurylymdar, radıatsııalyq materıaltaný, Erbolat Saılaýhanuly - analıtıkalyq hımııa, qorshaǵan ortanyń hımııasy, Anastasııa Mashentseva - hımııa, Ilona Matveeva - hımııa, Gúlnur Isanova - jer týraly ǵylymdar.

 «Bıyl Eýrazııa ýnıversıtetiniń janynan ıadrolyq fızıka ınstıtýty jasaǵan aýyr ıondardy jedeldetkish jańa qurylǵynyń iske qosylǵanyna 10 jyl toldy. Álemde balamasy joq osy mashınanyń arqasynda biz ózimizdiń ǵylymı eńbekterimizdi jarııalap júrmiz. Ǵalymdar úshin mańyzǵa ıe eń basty kórsetkishter - onyń jarııalanymdyq belsendiligi, sandyq kórsetkishter. Ǵalymdar úshin materıaldary kóbirek jarııalanǵan saıyn, onyń eńbekteriniń reıtıngi ósip, esiminiń tanymal bolýy artady. Bul - kóp eńbekti talap etetin jumystyń nátıjesi, jáne jas ǵalymdardy ary qaraı damýǵa yntalandyratyn úlken múmkindik. 5 jyldyń ishinde men 29 maqala men 70-ke jýyq dáıeksóz jarııaladym. Bizdiń ǵylymı jumysymyzdyń tabysy - komandalyq jumystyń nátıjesi», - dep atap kórsetti ıAdrolyq fızıka ınstıtýtynyń Astana fılıalynyń dırektory Maksım Zdorovets.

 

Qazaqstan ǵalymdarynyń ishinen Top Springer Author «Áleýmettik ǵylymdar» nomınatsııasynda atap ótilgender: Altaı Músirov - ekonomıka, Mıra Nurmahanova - ekonomıka.

Baspa Top Springer Author syılyǵyna qosymsha Qazaqstannyń eń kóp jarııalanym jasaǵan úzdik 10 uıymyn dıplomdarmen marapattady: Ál-Farabı atyndaǵy Qazaq Ulttyq ýnıversıteti, L.N. Gýmılev atyndaǵy Eýrazııa ulttyq ýnıversıteti, akademık E. A. Bóketov atyndaǵy Qaraǵandy memlekettik ýnıversıteti, Organıkalyq sıntez jáne kómir hımııasy ınstıtýty, Fızıka-tehnıkalyq ınstıtýt, «Fıtohımııa» halyqaralyq ǵylymı-óndiristik holdıngi, Nazarbaev ýnıversıtet, Á.B.Bekturov atyndaǵy hımııa ǵylymdary ınstıtýty, Ulttyq ıadrolyq ortalyq, Q.I. Sátpaev atyndaǵy Qazaq ulttyq tehnıkalyq zertteý ýnıversıteti.

Springer Nature - 1842 jyly negizi qalanǵan álemdegi eń iri halyqaralyq ǵylymı baspalardyń biri. 2015 jyldyń mamyr aıynda onyń pozıtsııalary kúsheıtildi jáne Palgrave Macmillan baspasyna tıesili Nature (Nature and Scientific American) baspa toby jáne Springer Science+Business Media baspa kompanııasy sııaqty eki belgili kompanııany biriktirý arqyly Springer Nature kompanııasy quryldy.

Springer Nature kompanııasy jáne Qazaqstan Respýblıkasynyń bilim jáne ǵylym mınıstrligi, jáne qazaqstandyq ýnıversıtetteriniń strategııalyq áriptestigine kóp ýaqyt boldy. Mysaly, 2006 - 2016 jyldar aralyǵynda Qazaqstan ǵalymdary Springer-diń 403 jýrnalynda 2 133 maqala jarııalady. Osylaısha, jyl saıyn Qazaqstan ǵalymdary baspanyń reıtıngi joǵary jýrnaldarynda 300-den asa maqala jarııalaıdy, bul shet elde jarııalanatyn qazaqstandyq maqalalardyń jalpy kóleminiń shamamen 15% quraıdy.

Shara sheńberinde baspanyń vıtse-prezıdenti Azdaa Kotanı qazaqstandyq ǵalymdar úshin Springer Nature baspasynyń múmkindikteri men perspektıvalary týraly áńgimelep berdi. Sondaı-aq, qatysýshylarǵa baspanyń ónimderi men jýrnaldary tanystyryldy. Springer Nature spıkerleri eldik sholý men Ortalyq Azııa elderi ǵalymdarynyń jarııalanymdyq belsendiligine taldaý jasap, baspanyń ónimderi men qyzmetteri týraly aqparat berdi. Shara sońynda jas ǵalymdarǵa, avtorlarǵa jáne ǵylymı uıymdardyń ókilderine jeke keńester berildi.