Qazaqstandyq ǵalymdar Scopus jáne Science direct bazalaryna ruqsat alady
ASTANA. QazAqparat - Qazaqstan ǵalymdary 1 qazannan bastap, Scopus jáne Science direct bazalaryna kirýge ruqsat alady, dep habarlaıdy QazAqparat QR Bilim jáne ǵylym vıtse-mınıstri Aslanbek Amrınge silteme jasap.
«Áriptester, ókinishke oraı, 2015 jyly Qazaqstan Scopus bazasyna ulttyq jazylymnan bas tartqan edi. Bul jarııalanymdardyń kúmándi basylymdarǵa kóptep shyǵýyna ákep soqty. Slnymen birge jańa qazaqstandyq ǵylymı jýrnaldardyń belsendi bazalarda ındeksteý protsesi toqtap qaldy. Munyń barlyǵy ǵylymdaǵy jalpy jaǵdaıǵa keri yqpalyn tıgizdi, bul máseleni sheshý qajet», - dep jazdy ol Feısbýkte.
«Biz bedeldi jáne iri Elsevier basylymymen kelissózder júrgizdik jáne 2018 jyly Scopus ı Science direct bazalaryna ulttyq basylymdy qaıta qalpyna keltirý boıynsha jumys istep jatyrmyz. Kelissózder nátıjesi boıynsha, Elsevier 1 qazannan bastap, qazaqstandyq ǵylymı uıymdarǵa qoljetimdilikti ashady. Árıne, bizdiń basty maqsattyrymyzdyń biri qazaq tilindegi alǵashqy ǵylymı jýrnaldy ındeksteý. Sondaı-aq biz Scopus Award jáne Scopus Young Research Award úzdik ǵalymdar men úzdik jas zertteýshilerdi marapattaý rásimin ótkizýdi josparlap otyrmyz», - dep atap ótti Aslanbek Amrın.
Onyń aıtýynsha, Scopus bazasyn World Bank, Financial times, European Commission&ERC, OECD, QS jáne THE(Times Higher Education) reıtıngtik agenttikteri jáne ózge de iri halyqaralyq uıymdar men reıtıngter qoldanady.
