Qazaqstandyq ǵalymdar otqa janbaıtyn qurylys materıalyn oılap tapty
Innovatsııalyq jobany Búkilálemdik bank qoldady.
Q.Sátpaev atyndaǵy qazaq ulttyq ǵylymı tehnıkalyq ýnıversıtet ǵalymdary vakýýmdy jylý ızolıatsııalyq panel shyǵardy. Jańa materıal penopolıýretan, penopolıstırol, mıneraldy jáne áınek maqtasynan 4-6 ese jylýdy jaqsy saqtaıtyn qasıetimen belgili boldy.
Vakýýmdy paneldiń basty jetistigi - ekologııalyq taza, uzaqqa shydaıdy, qalaýǵa jeńil, otqa janbaıdy.
Zerthana jaǵdaıynda materıaldyń barlyq jaqsy qasıetteri rastaldy.
Ǵalymdar bul materıaldy 5-6 jyldan beri zerttep keledi.
«Ónimdi ınnovatsııalardy yntalandyrý» jobasy aıasynda Búkilálemdik bank pen QR Úkimeti qoldady.
"Qazir synama retinde birneshe dana shyǵarylǵan. Biz granttyń úshinshi kezeńinde turmyz. Jaqynda materıaldardy aprobatsııalaýdy bastaımyz",- dedi ıdeıa avtory SAVENERGY kompanııasynyń bas dırektory Rýslan Nurlybaev.
Otandyq ónim adam aǵzasyna zııansyz. Joıýdy qajet etpeıdi.
Zaýytta kirpishter kez-kelgen pishinde tsılındr, shar, dóńgelek, oıyǵy bar túrde shyǵatyn bolady. Kirpishter eýropalyq quralda quıylady.
"Vakýým panelder úılerdi, ákimshilik ǵımarat, qoımalardy qalaýǵa paıdalanylady. Innovatsııalyq erekshelikteri kirpishterdiń jasalǵan shıkizatynda. Shıkizat Embidegi mıkrokremnıı elementinen jasalady. Qazaqstandyq ónim bolǵandyqtan, baǵasy da básekege qabiletti bolmaq», - dedi Rýslan Nurlybaev.
Zertteýler kórsetkendeı, ǵımarattardyń jylýynyń 40%-y qabyrǵalar arqyly joǵalady.
Bul ǵımarattardyń energotıimdiligin arttyrady.
Almaty kásipkerler palatasy ınnovatsııalyq noý haý tehnologııasyn potentsıaldy tapsyrys berýshilerge - memlekettik organdarǵa, jobalaý ınstıtýttaryna, qurylys kompanııalaryna usynýdy bastady.