Qazaqstandyq ǵalymdar qysta joldy búldirmeı tazalaıtyn muzjarǵysh jasap shyǵardy

ÓSKEMEN. QazAqparat - Shyǵys Qazaqstan tehnıkalyq ýnıversıtetiniń ǵalymdary qysqy ýaqytta joldar men trotýarlardy tazalaýǵa arnalǵan tıimdiligi joǵary jáne qýat únemdeıtin qurylǵy oılap tapty. Qar tazalaýdyń jańa ádisi joldar men trotýarlardy zaqymdamaıdy jáne adamdardy taıǵanap qulaýdan saqtaıdy, dep habarlaıdy QazAqparat.

Bilim jáne ǵylym mınıstrligi taratqan málimetke sensek, muzjarǵysh qazirdiń ózinde birneshe kásiporynda qoldanylyp júr.

Otandyq ónim osyǵan deıin qoldanysta bolǵan sheteldik analogtarǵa qaraǵanda áldeqaıda arzan.

«Kommýnaldyq qyzmetterdiń jumysynda eń qıyny – asfalttaǵy muzdyń sońǵy qabatyn alý. Eger ony frezerlik mashınalarmen alatyn bolsaq – qazyp nemese kesip alsaq, onda jol tósenishine zaqym kelýi múmkin. Sonyń kesirinen asfalt nasharlap, paıda bolǵan jyryqqa sý jınalýy múmkin. Al sý jol betin búldirip tastaıtyny anyq. ıAǵnı, biz muzdan da tolyq qutylmadyq, jol tósenishin de saqtap qala almadyq. Aldymyzda jol jabynyn saqtap, muzdy syndyrý mindeti turdy. Sol úshin muzjarǵyshty oılap taýyp, qurastyrdyq. Muzdy tolyǵymen syndyratyn kúshter men rejımder eseptelip, joldyń nemese jaıaý júrginshi jolynyń beti tolyǵymen aman saqtap qaldyq», - deıdi D.Serikbaeva atyndaǵy ShQTÝ mashına jasaý mektebiniń professory, tehnıka ǵylymdarynyń doktory Mıhaıl Dýdkın.

Dýdkın muqııat tazalaý ádisin jappaı qoldaný jyl saıynǵy joldardy jóndeýge bıýdjet shyǵyndaryn azaıtýǵa yqpal etetinin atap ótti.

Sonymen qatar, ónertabystyń ózi arzan joba sanalady.

«Konstrýktsııa úlken shyǵyndy qajet etpeıdi jáne jol şetkasymen birge ońaı jumys isteı beredi, ıaǵnı jumys mehanızminiń ózi ǵana aýystyrylady. Bul qurylǵynyń baǵasyn aıtarlyqtaı tómendetedi», - deıdi ǵalym.

Búgingi tańda basqa kompanııalar da otandyq ǵylymı ázirlemege qyzyǵýshylyq tanyta bastady.

Qazir ǵalymdar jazǵy-kúzgi kezeńde óz fýnktsııalaryn paıdalaný úshin mashınalardy beıimdeý ústinde.