Qazaqstandyq ǵalymdar COVID-19-ǵa qarsy vaktsınanyń klınıkalyq synaq fazasyn 2 ese qysqartady
Instıtýt málimetinshe, COVID-19-ǵa qarsy vaktsınanyń klınıkaǵa deıingi synaǵyn 2020 jyldyń 20 tamyzynda aıaqtalyp, nátıjesi QR Densaýlyq saqtaý mınıstrligine beredi. QR Densaýlyq saqtaý mınıstrliginen ruqsat alynǵannan keıin 2020 jyldyń 20 qyrkúıeginde Almaty qalasyndaǵy klınıkanyń bazasynda COVID-19-ǵa antıdenesi joq 44 eriktige klınıkalyq synaq (І faza) bastalýy tıis
«2020 jyldyń qazan aıynyń ortasynda Dúnıejúzilik densaýlyq saqtaý uıymynyń talaptaryna saı keletin 200 eriktige klınıkalyq synaq ótkizýdiń ІІ fazasyna shyǵý josparlanǵan. Klınıkalyq synaqtyń ІІ fazasy 2020 jyldyń jeltoqsan aıynda aıaqtalýy tıis. Kóptegen eldiń (Qytaı, AQSh, Reseı) tájirıbesin jáne halyqty vaktsınamen qamtamasyz etý qajettigin qaperge ala otyryp, klınıkalyq synaq fazasynyń sanyn 4-ten 2-ge deıin qysqartý qarastyrylyp jatyr. Bul DDSU talaptaryna qaıshy bolmaıdy», - dep atap ótedi ınstıtýttan.
Buǵan deıin COVlD-19-ǵa qarsy qazaqstandyq vaktsınany eriktilerge synaý qyrkúıekte bastalatyndyǵyn habarlaǵan edik.
Eske salsaq, Densaýlyq saqtaý mınıstrligi vaktsınalaý - ınfektsııalyq aýrýlardan qorǵanýdyń tıimdi ádisi ekenin jetkizdi. Qazaqstandyq ǵalymdar 7 vaktsına daıyndaý tehnologııasyn jasady.
Jalpy Qazaqstanda koronavırýsqa qarsy vaktsınanyń bes prototıpi boıynsha jumys júrgizilip jatyr. COVID-19 vaktsınasyn jasaý boıynsha jumystardyń barysyna qyzyǵýshylyq tanytqan azamattar DDSU veb-saıtynda vaktsınaǵa úmitkerler týraly jalpy sholýdy oqı alady.
Vaktsınaǵa úmitkerlerdiń tizimi únemi jańartylyp otyrady. Qazaqstan ǵalymdary ázirlep jatqan koronavırýs ınfektsııasyna qarsy kandıdattyq vaktsına klınıkalyq zertteýden kúzde ótkiziledi. Koronavırýsqa qarsy qazaqstandyq alǵashqy vaktsına synaqtan sátti ótkizilýde. Jáne onyń sapasy týraly ǵalymdar pikir bildirdi. Sondaı-aq, mamandar koronavırýsqa qarsy vaktsına qashan daıyn bolatyny týraly da aıtty. Aldyn ala boljamǵa sáıkes, Qazaqstanda koronavırýsqa qarsy vaktsına 65 jastan asqan, júrek-qan tamyry aýrýy, qant dıabeti jáne sozylmaly ókpe aýrýlary bar táýekel tobyna kiretin adamdarǵa jáne medıtsına qyzmetkerlerine salynatyn bolady. Vaktsına alatyndardyń boljamdy sany 2 347 000 adamdy quraıdy.
