Qazaqstandyq ǵalymdar aýyl sharýashylyǵy salasynda 2 vaktsına oılap tapty

NUR-SULTAN. QazAqparat –Qazaq ǵylymı-zertteý veterınarııa ınstıtýtynyń ǵalymdary maldy nekrobakterıoz aýrýynan qorǵaıtyn eki vaktsınany oılap shyǵardy. Otandyq ǵalymdardyń ónimderi qazir qoldanysta, dep habarlaıdy QazAqparat tilshisi.

Eki preparattyń biri - iri qara men usaq maldyń nekrobakterıoz aýrýyna qarsy vaktsınasy bolsa, ekinshisi - nekrobakterıoz ben sıraqtyń isinýine qarsy aralas vaktsına. Atalmysh vaktsınalardy sharýa qojalyqtar qazirgi tańda keńinen paıdalanýda.

«Preparattyń tıimdiligin arttyrý úshin ony daıyndaǵan kezde jergilikti aýrý qozdyratyn epızootıkalyq shópter qoldanyldy. Atalmysh preparattar saý malmen birge, aýrý (aqsaq) malǵa da paıdalanýǵa bolatyndaı tehnologııamen jasalǵan. Maldyń túrlerine júrgizilgen zertteý jumystary bul vaktsınalardyń ımmýnogendigi joǵary ekenin kórsetti. Olardyń aýrýlardyń aldyn alý tıimdiligi 85,7 paıyzdan 98,9 paıyzdyq kórsetkishke ıe. Sharýa qojalyqtar úshin bul vaktsınalar qymbatqa túspeıdi», - dep habarlaıdy «Ulttyq agrarlyq ǵylymı-bilim berý ortalyǵy» KeAQ baspasóz qyzmetinen.

Maldyń tuıaǵy nemese sıraǵynda kezdesetin aýrý sharýa qojalyqtarǵa aıtarlyqtaı shyǵyn keltiredi. Bul aýrýlar maldyń súttiligin 25-ten 50 paıyzǵa deıin tómendetýi múmkin.

«Іri qara maldyń sıraǵyna kóp kezdesetin patologııa – nekrobakterıoz, al usaq malda kóbinese sıraqtyń isinýi kóp kezdesedi. Bul aýrýlardy keshendi túrde erte bastaý kerek», - delingen habarlamada.