Qazaqstandyq ǵalymdar 7 vaktsına daıyndaý tehnologııasyn jasady
«Sońǵy jyldary Bıologııalyq qaýipsizdik problemalarynyń ǵylymı-zertteý ınstıtýty asa qaýipti ınfektsııalar boıynsha 7 otandyq vaktsına daıyndaý tehnologııasyn jasap engizdi. Onyń ishinde aýyl sharýashylyǵy úshin qus tumaýyna qarsy vaktsınany álem elderimen qatar, alǵashqylardyń biri bolyp jasaǵanbyz. Sol jyldary ınstıtýt Aýyl sharýashylyǵy mınıstrligine 7 mln doza vaktsına jetkizdi. Osy vaktsınanyń arqasynda qustar aýrýdan saqtalǵan bolatyn. Densaýlyq saqtaý salasy úshin joǵary patogendi qus tumaýyna qarsy jáne joǵary patogendi shoshqa tumaýyna qarsy vaktsınalardy daıyndady. Qazaqstan vaktsınalary DDSU zerthanasynda klınıkalyq synaqtan ótken álemniń 6-shy jáne 7-shi memleketi boldy», - dedi ol.
Mınıstrdiń aıtýynsha, ınstıtýt 2018 jyly aýyl sharýashylyǵy úshin nodýlıarlyq dermatıtke qarsy vaktsına ázirledi jáne 2019 jyly 930 mln teńge somasyna Aýyl sharýashylyǵy mınıstrligine nodýlıarlyq dermatıtke qarsy otandyq vaktsınany jetkizýdi qamtamasyz etti.
«Esep komıtetiniń aqparaty boıynsha, respýblıkalyq bıýdjette tek bir jyldyń ishinde 2,7 mlrd teńge únemdeldi. Elimizde daıyndalǵan vaktsınalar men test-júıeleriniń, birinshiden, sapasy jaqsy, ekinshiden – shet eldegi ónimmen salystyrǵanda baǵasy birneshe ese tómen. 2019 jyly brýtsellezben kúresý úshin jańa vektorlyq vaktsına ázirlendi. Ol qaýipsizdik jáne ımmýnobıologııalyq qasıetteri jaǵynan osy aýrýǵa qarsy vaktsınalardan edáýir artyq bolyp sanalady», - dedi Ashat Aımaǵambetov.
