Qazaqstandyq ǵalymdar 40-tan astam ekologııalyq jobany qolǵa aldy
Mınıstrliktiń baspasóz qyzmeti usynǵan málimet boıynsha, ǵalymdar jasaǵan bir ǵana jobanyń ózinen 336 mln teńge tabys kelgen.
«Mysaly, D.V.Sokolskıı atyndaǵy Otyn, katalız jáne elektrohımııa ınstıýtynyń ǵalymdary gaz tárizdi qaldyqtarǵa arnalǵan súzgilerdi jasady Munaı óndirýshi kásiporyndardyń obektilerinde osyndaı súzgilerdi ornatý Atyraý, Aqtóbe, Qyzylorda jáne Pavlodar oblystaryndaǵy aýaǵa tastalatyn ýly gaz shyǵaryndylaryn aıtarlyqtaı azaıtýǵa múmkindik berdi. Ǵylymı ázirlemeleriniń arqasynda ǵalymdardyń tabysy 336 mln teńgeden asty», - dep jazady vedomstvonyń baspasóz qyzmeti.
Al Innovatsııalyq zertteýler men tehnologııalar ınstıtýtynyń ǵalymy Maılybı Aldabergenov taǵam jáne aýylsharýashylyq qaldyqtarynan kúrdeli qospadan turatyn qurama jem alý tehnologııasyn iske jasap shyǵarǵan.
«Bul qurama jemder aqýyzdardyń, amın qyshqyldarynyń, dárýmenderdiń, mıkroelementterdiń jáne basqa da paıdaly komponentterdiń tolyq jıyntyǵyna ıe. Satýdan túsken tabys shamamen 250 mln teńgeni qurady», -delingen resmı málimette.
Joba avtorynyń aıtýynsha, etıl spırtin óndiretin kásiporyndar syra ashytqysy, spırt bardasy, bıdaı kebegi, júzim jáne alma kúnjarasy sııaqty óndiris qaldyqtaryn qoqysqa tastaıdy. Alaıda, bul qaldyqtardy tolyqqandy jem alý úshin paıdalanýǵa bolady.
Ǵalymdar iri kásiporyndarǵa ESG jobasy arqyly ekologııalyq, áleýmettik jáne korporatıvtik basqarý máselelerdi bir jolda sheshetin múmkindik usynyp otyr.
«Memleket basshysy Parlament Májilisiniń 2022 jylǵy 11 qańtardaǵy plenarlyq otyrysynda ESG - jahandyq energetıkalyq jáne tehnologııalyq kóshý talaptaryn kúsheıtý jaǵdaıyndaǵy ınvestıtsııalyq saıasattyń jańa tujyrymdamasynyń mańyzdylyǵyn atap ótti. Biz osy baǵytta jumys júrgizemiz, zertteýshilerdiń ǵylymı ázirlemelerin kommertsııalandyramyz. Ǵalymdar óndiristik, azyq-túlik jáne aýyl sharýashylyǵy qaldyqtaryn qaıta óńdeý, ekologııalyq taza ónim alý, kógaldandyrý jáne balamaly energııa óndirý boıynsha jobalar ázirlep jatyr», – deıdi QR Bilim jáne ǵylym mınıstrligi «Ǵylym qory» AQ basqarma tóraǵasy Aryn Orsarıev.
