Qazaqstandyq ǵalymdar 19 myń ǵylymı maqala jarııalaǵan - depýtat

NUR-SULTAN. QazAqparat – Qazaqstandyq ǵalymdar halyqaralyq ǵylymı derekter qoryna 19 myń ǵylymı maqala jarııalaǵan. Bul týraly elordada ótken ІІ Science Forum: Reseafch Impact atty ǵylymı forýmda QR Parlamenti Senatynyń depýtaty Baqytjan Jumaǵulov aıtty, dep habarlaıdy QazAqparat tilshisi.

«2011 jyly elimizde 411 ǵylymı maqala jarııalanǵanyn anyq bilemin. Ol kezde halyqaralyq basylymdar qoljetimsiz edi. Sol kezde QR Bilim jáne ǵylym mınıstri Elsevier aqparattyq-saraptamalyq portalyna ulttyq retsenzııaǵa qol qoıdy. Sodan bastap stýdentter men ǵalymdarǵa halyqaralyq aqparattyq agenttigine jol ashyldy», - deıdi QR Parlament senatynyń depýtaty Baqytjan Jumaǵulov.

Onyń aıtýynsha, Elsevier bazasynyń ishine 20 myńnan astam ǵylymı jýrnal, 50 mln ǵylymı maqala men referat kiretinin aıtty.

«QR Tuńǵysh Prezıdentiniń tapsyrmasymen jas ǵalymdarǵa 3 mlrd teńge bólingen. Ǵylymı maqalalardyń jarııalanýyna barynsha qoldaý kórsetilýde. Búgingi tańda elimizdegi ǵalymdar 19 myń ǵylymı maqala jarııalanǵan. Elsevier 2013 jyly jumysyn 2-3 jylǵa toqtatyp, 2017 jyly jumysyn qaıta jalǵastyrǵan bolatyn. Bul úzilis bolmaǵan kezde ǵylymı maqalalar tipten kóp bolar edi. Qazaqstanda ár stýdent, ár magıstrant, ár Ph.D doktory, professor, dotsent ǵylymı maqalasyn jarııalaı alýy úshin barlyq jaǵdaı jasalǵan. Memleket bul úshin arnaıy qarajat bólip otyr», - deıdi senator.

Eske sala ketsek, buǵan deıin elordada túrli saladaǵy ǵalymdar marapattalǵany týraly jazǵan bolatynbyz.