Qazaqstandyq ǵalym ıÝNESKO medalimen marapattaldy
Medal tujyrymdamasyn 2010 jyly ıÝNESKO Bas dırektory bekitip, sol kezden beri ol jyl saıyn osy saladaǵy álemdik ǵylymnyń alǵa basýyna eleýli úles qosqan kórnekti ǵalymdar men uıymdarǵa beriledi. Otandyq ǵalym bıyl óziniń «nanokómirtek materıaldaryn óńdeý, kómirtekti nanotútikter men grafenderdi janý kúıinde sıntezdeý tehnologııalaryna zertteýge qosqan úlesi» úshin marapattaldy.
Medaldi tabystaýdan keıin sóılegen sózinde Z. Mansurov ıÝNESKO-ǵa júrgizgen zertteýlerine osyndaı joǵary baǵa bergeni úshin rızashylyǵyn bildirip, qazaqstandyq ǵylymnyń jeńisterin búgingi tańda ǵalymdarymyz, ásirese jastar, álemniń jetekshi zertteý ortalyqtarymen tyǵyz yntymaqtastyq ornatýǵa barlyq múmkindikterge ıe ekenimen baılanystyrdy jáne oǵan jaǵdaı jasaǵan Elbasy bastamasymen júrgizilgen júıeli reformalardyń arqasy ekenin atap ótti.
Rásimge qatysqan Qazaqstannyń ıÝNESKO janyndaǵy Turaqty ókili Jan Ǵalıev otandasymyzdy jyly quttyqtap, osy medaldiń onyń otandyq jáne halyqaralyq ǵylymı qaýymdastyqqa sińirgen adal eńbegi, nanoǵylym men nanotehnologııalarǵa qosqan mańyzdy úlesiniń laıyqty moıyndaýy retinde qarastyratynyn jetkizdi.
Bıyl atalǵan marapatqa Mansurovtyń Reseı, Frantsııa, Aýstralııa, Fınlıandııa, Aýstrııa, Grekııa, Mysyr men AQSh sııaqty memleketterde eńbek etip júrgen taǵy da toǵyz áriptesi ıe boldy. Zertteýleriniń naqty qoldanys salalaryna elektronıka, telekommýnıkatsııalar, mashına jáne qural jasaý, medıtsına, materıaltaný men kóptegen basqalar jatady. Medalmen osy kezge deıin marapattalǵandar arasynda fızıka salasyndaǵy Nobel syılyǵynyń laýreattary Isamý Akasakı men Jores Alferov, Qytaı ǵylym akademııasynyń prezıdenti Chýnlı Baı bar.
Professor, hımııa ǵylymdarynyń doktory Zulqaıyr Aıtmuhametuly Mansurov QR BǴM Janý problemalary ınstıtýtynyń Bas dırektory. Tanymal ǵalym kóp jyldar boıy Ál-Farabı atyndaǵy Qazaq Ulttyq Ýnıversıtetinde kóp jyldar boıy eńbek etti, sonyń ishinde on bes jyl boıy prorektor retinde. Qazaqstan Respýblıkasynyń Memlekettik premııasy men Qanysh Satpaev atyndaǵy premııanyń laýreaty.
