Qazaqstandyq ǵalym ózge batareıalardan 10 ese qýatty akkýmýlıatordy shyǵardy
ASTANA. QazAqparat - Nazarbaev Ýnıversıtetinde Jumabaı Bákenovtiń jetekshiligimen bir top ǵalymdar qoldanystaǵy akkýmýlıatorlyq batareıadan 10 ese uzaq jumys isteıtin batareıany ázirledi.
Bul jańalyq búgin bilim ordasy janyndaǵy Tehnoparktiń ashylýy rásiminde QR Bilim jáne ǵylym mınıstri Aslan Sárinjipovke tanystyryldy.
A.Sárinjipov osyndaı batareıany «iPhone» úshin jáne ózge smartfondarǵa ázirleý múmkindigi jaıynda surady.
Ónertapqysh J.Bákenov ázirge ony daıyndaýǵa tıisti quraldar joq ekenin jetkizdi. Sonymen qatar, ol ǵylymı top daıarlaǵan akkýmýlıatordy avtokólikterge beıimdep jasaýǵa nıetti ekenin atap ótti.
Aıta keteıik, J. Bákenov on jylǵa jýyq ýaqyt boıy Japonııa men Kanadada ómir súrip, ǵylymı jumystarmen aınalysqan. Qazaqstanǵa 2011 jyly oraldy.
