Qazaqstandyq ǵalym munaı lastanýynan qutylýdyń jolyn tapty
ASTANA. QazAqparat - Qazaqstandyq hımık ǵalym Erlan Dosjanov «Eýrazııanyń úzdik jas ǵalymy» saıysynda jeńimpaz boldy. Konkýrsqa TMD elderinen kelgen júzden astam ǵalym qatysty. Jerlesimizdiń jumysy «Adam ekologııasy» nomınatsııasynda úzdik dep tanyldy.
Erlan Dosjanov - PHD doktory, Janý problemalary ınstıtýtynyń ǵylymı qyzmetkeri. Ǵalym jerdi munaı lastanýynan tazartýdyń ádisin oılap tapqan. Dosjanov ol úshin mıkroaǵzalardy qoldanýdy usyndy.
«Bul ádis arqyly topyraqty 73-90 paıyzǵa deıin tazartýǵa bolady. Kómirsýtekter totyǵyp, sońynda sý men kómirqyshqyl gazy bólinip shyǵady, - dep túsindirdi E. Dosjanov.
Aıta ketelik, Erlan Dosjanov topyraqtyń lastanýynyń sebebin bıohımııalyq ádispen tabý jobasynyń avtory, dep jazady massaget.kz.
