Qazaqstandyq ǵalym COMSTECH-SAC quramyna kirdi
OІC ǵylymı-tehnıkalyq yntymaqtastyq jónindegi turaqty komıteti (COMSTECH) 1981 jyly qurylǵan. Onyń qyzmeti OІS qabyldaǵan qararlardy oryndaýǵa, múshe memleketter arasyndaǵy ǵylym men tehnologııalar salasyndaǵy yntymaqtastyqty nyǵaıtýǵa, sondaı-aq osy uıymǵa kiretin elderdiń ǵylymı-tehnıkalyq áleýetin jaqsartýǵa qabiletti baǵdarlamalar men usynystardy ázirleýge baǵyttalǵan.
COMSTECH-SAC – bul tájirıbe almasý, áleýetti arttyrý, ǵylym, tehnologııalar men ınnovatsııalardy (ǴTI) damytý salasyndaǵy ozyq tásilder men qoldanbaly usynymdardy ázirleý alańy bolýǵa baǵyttalǵan jańa ınstıtýtsıonaldyq tetik. Ǵylymı-konsýltatıvtik keńes búginde OIC-qa múshe memleketterdiń aldynda turǵan ǴTI-ny damytýdaǵy máselelerdi sheshýge kómektesýge arnalǵan. Onyń quramyna álemge áıgili ǵalymdar men praktıkter bar. COMSTECH bas úılestirýshisi Ikbal Chaýdharı, Ǵalym Mutanovtyń mol tájirıbesi men bilimi ǵylymı-konsýltatıvtik keńestiń qyzmetinde paıdaly jáne suranysqa ıe bolatynyn atap ótip, tyǵyz ári jemisti yntymaqtastyqqa úmit bildirdi.
Qazaqstan OІS qyzmetine belsendi qatysýda ári memleket ókiliniń COMSTECH-SAC quramyna qabyldanýy elimizdiń ıslam álemindegi ǵylym men bilim salasyndaǵy kóshbasshylyǵynyń moıyndalýynyń bir belgisi. Atap óterlik jaıt, ál-Farabı atyndaǵy QazUÝ OIC, ICESCO, COMSTECH seriktesterimen yntymaqtastyqty nyǵaıtyp keńeıtýde. Jetekshi qazaqstandyq joǵary oqý orny Islam Yntymaqtastyq Uıymymen birlesip ótkizgen birqatar iri halyqaralyq is-sharalardyń, onyń ishinde ótken jyly Almatyda ótken «IYU-15 dıalogtyq platformasy» atty birinshi breınstormınginiń ortaq uıymdastyrýshysy bolyp tabylady.
