Qazaqstandyq G.Turmahanova sambodan álem chempıonatynyń kúmis júldegeri atandy
ASTANA. QazAqparat - Marokkonyń Kasablanka qalasynda ótip jatqan sambodan álem chempıonatynyń ekinshi kúninde qazaqstandyq Gaýhar Turmahanova kúmis júldeger atandy.
Halyqaralyq sambo federatsııasynyń resmı saıtynan alynǵan málimetke qaraǵanda, Gaýhar 52 keli salmaqta fınalda ýkraınalyq Marııa Ýıokqa qana jol berdi. Sóıtip G.Turmahanova ótken jylǵy tabysyn qaıtalaı almady. 2014 jyly Japonııanyń Narıta qalasynda ótken álem birinshiliginde ol sońǵy básekede reseılik Anna Harıtonovany (bul balýan bıyl qola júldeni qanaǵat tutty) utyp, jeńimpaz atanǵan edi. Keshe Gaýhardan basqa qazaqstandyq samboshylar, ókinishke qaraı, júldege qol jetkize almady. Solardyń ishinde sambodan tórt márte álem chempıony, batysqazaqstandyq Erbolat Baıbatyrov ta bar. Aıta keteıik, Kasablankadaǵy álem chempıonaty búgin márege jetedi.
