Qazaqstandyq fýtbolshylar Túrkııadaǵy halyqaralyq týrnırge qatysyp jatyr
ALMATY. 25 naýryz. QazAqparat - Búgin Túrkııanyń Antalııa qalasynda fýtboldan 1998-2003 jyldary týǵan jasóspirimder arasynda «Túrik demalystary» halyqaralyq týrnıri bastaldy.
Onda el namysyn 5 komanda qorǵaýda. Atap aıtqanda 1998 jyly týǵan aıaqdopshylar arasynda Almaty qalasynyń «Qaırat», 1999 jylǵylar arasynda «Atyraý» men «Kaspıı» (Aqtaý), 2000 jylǵylar arasynda Almaty qalasynyń «Qaıraty» men «№2 daryndy balalar men jasóspirimderge arnalǵan sport mektebi» jáne Aqtaý qalasynyń «Kaspıı» komandalary.
1998 jylǵy jasóspirimder arasyndaǵy saıysta búgin almatylyqtar alǵashqy oıynyn Grýzııanyń Tbılısı qalasynyń «35» komandasymen ótkizbek. Al erteń Reseıdiń Egorevsk qalasynyń «Master-Satýrn», sársenbide Tbılısıdiń «Lokototıv», jumada alań qojaıyndarynyń «Antalııaspor», senbide Reseıdiń Nahodka qalasynyń «Okean» aıaqdopshylarymen kúsh synasatyn bolady. Al 2000 jyly týǵan balalar arasyndaǵy synda aqtaýlyqtar «A» tobynda, sport mektebiniń oqýshylary «V» tobynda, qaırattyqtar «S» tobynda óner kórsetpek.
