Qazaqstandyq fýtbolshylar syıaqy alatyn boldy

ASTANA. QazAqparat - Qazaqstandyq fýtbolshylar Eýropa-2024 chempıonatynyń irikteýinde Danııany jeńgeni úshin qarjylaı syıaqy alady, dep habarlaıdy QazAqparat Habar24kz saıtyna silteme jasap.

Bul habardy quramanyń bas bapkeri Magomed Adıev jetkizgen.

Onyń aıtýynsha, qazaqstandyq fýtbolshylar úshin jankúıerleri men halyqaralyq sarapshylardyń bergen baǵasy mańyzdy.

«Qarjylaı syıaqyǵa keletin bolsaq, bizge belgilengen syıaqy mólsheri bar. Alaıda fýtbolshylar úshin bul jeńistiń ózi – qandaı da bir aqshadan qymbat. Sebebi bizdiń komanda úshin aldymen halyqaralyq sarapshylardyń, ásirese jankúıerlerimizdiń qoldaýy men bergen baǵasy mańyzdy»,-dedi fýtboldan Qazaqstan quramasynyń bas bapkeri Magomed Adıev.