Qazaqstandyq fýtbolshy Reseıdiń «Rostov» komandasynda óner kórsetedi
ASTANA. QazAqparat - «Astana» men Qazaqstan quramasynyń jartylaı qorǵaýshysy Baktıer Zaınýtdınov «Rostov» Reseı premer-lıgasynyń klýbymen kelisimshart jasady, dep habarlaıdy «SPORTINFORM».
Búgin tańerteń 20 jastaǵy jartylaı qorǵaýshy resmı túrde «Rostov» oıynshysy atandy. Mámileniń mán-jaıy ázirge jarııalanǵan joq, tek «Astananyń» reseılik klýbtan belgili bir mólsherde ótemaqy alatyny málim boldy.
Ótken maýsymda jambyldyq fýtbolshy Zaınýtdınov QPL aıasynda 27 match ótkizip, 5 ret gol salǵan. Baktıer Qazaqstan quramasynda 9 match ótkizip, 3 ret golmen erekshelendi. Sondaı-aq, chempıonattyń qorytyndysy boıynsha «Maýsym jańalyǵy - 2018» júldesine ıe boldy.
