Qazaqstandyq fýtbolshy Reseı klýbynyń eń qymbat oıynshysy boldy
NUR-SULTAN. QazAqparat - Qazaqstan quramasynyń jartylaı qorǵaýshysy Islambek Qýat Reseı Premer-lıgasynyń «Hımkı» klýbyna ótti, dep habarlaıdy QazAqparat Sports.kz saıtyna silteme jasap.
Transfermarkt.de málimetinshe, Qýat óziniń jańa komandasynda eń qymbat oıynshy bolyp sanalady. Onyń quny 1,5 mıllıon eýrony quraıdy. Qazaqstandyq fýtbolshynyń baǵasy 1,4 mıllıon eýroǵa baǵalanǵan reseılik havbek Aleksandr Lomovıtskııden ozyp ketti.
Eske sala ketsek, Islambek Qýattyń «Hımkımen» kelisimsharty 2021 jyldyń 30 maýsymyna deıin sozylady. Ótken maýsymda qazaqstandyq fýtbolshy «Orenbýrg» tústerin qorǵaǵan, alaıda klýb Premer-lıgaǵa ilikpeı qaldy.
