Qazaqstandyq fýtbolshy qyzdar Eýro-2018 irikteý týrnırinde Anglııadan 9:0 esebimen utyldy
ASTANA. QazAqparat - Qazaqstan quramasy 19 jasqa deıingi qyzdar arasynda 2018 jyly ótetin Eýropa chempıonatynyń irikteý týrnıriniń alǵashqy oıynynda Anglııaǵa qarsy alańǵa shyqty, dep habarlaıdy Sports.kz.
Qyzdarymyz Tumandy Albıon ókilderinen 0:9 esebimen jeńildi. Gol avtorlary: Greıs Smıt (10-mınýt), Teılor Hınds (17), Anna Fılbı (23), Ella Týn (38, 84), Esmı Morgan (60), Loıs Djoel (62), Djessıka Djons (68) jáne Rebekka Reıner (87). 2-top oıyndary Shymkentte ótip jatyr. Qazaqstan, Anglııa quramalarynan tys bizdiń topta Slovenııa jáne Ýels qyzdary da kúsh synasady. Chempıonattyń fınaldyq kezeńine ár toptyń birinshi jáne ekinshi oryn ıeleri, sondaı-aq úshinshi oryndy ıelengen komandalardyń arasynan úzdik nátıje kórsetken 4 qurama shyǵady. 2018 jylǵy Eýropa chempıonaty 18-30 shilde aralyǵynda Shveıtsarııada ótedi.
