Qazaqstandyq fýtbolshy qyzdar Belarýs quramasynan basym tústi
ASTANA. QazAqparat - Grýzııada ótip jatqan «Damý kýbogy - 2018» halyqaralyq týrnırinde 17 jasqa deıingi Qazaqstan qyzdar quramasy ekinshi oıynyn ótkizip, Belarýs quramasynan basym tústi, dep habarlaıdy QazAqparat tilshisi.
QR Fýtbol federatsııasy taratqan málimetterge súıensek, Qazaqstan men Belarýs quramalary arasyndaǵy kezdesý Davıd Petrıashvılı atyndaǵy stadıonda ótti.
Oıyn barysynda bizdiń qyzdar eki ret tarazy basyn teńestirdi. Eki sátte de qorǵaýshy Aleksandra Býrova dáldik tanytty.
Kezdesý taǵydyry match sońyndaǵy penaltı serııasynda sheshildi. Bizdiń quramanyń tórt oıynshysy on bir metrden múlt ketpedi. Oıynnyń basty qaharmany qaqpashy Arýjan Orazbekova atandy. Ol qarsylastyń eki on bir metrlik soqqysyn qaıtardy.
Endi Qazaqstan qyzdar quramasy Rýmynııa U-17 quramasymen ótkizedi.
Belarýs U-17 - Qazaqtan U-17 - 2:2 (1:1) pen. 2:4
Goldar: Harıtonchık 7, Jeleznıkova 73 - Býrova 22, 78.
Qazaqstan qyzdar quramasy U-17: Orazbekova, Býrova, Sadyqova (k), Tashmet, Ismaılova, Kenjetaı, Áıtimbetova (Sholaqova 41, Muqashova 72), Kópjanova, Artyqbaı, Ivanova, Mahamatova (A.Shalmuqanbetova 51).
