Qazaqstandyq fýtbolshy Eýropalyq klýbtyń úzdik oıynshysy atandy

NUR-SULTAN. QazAqparat – «Lorı» armıan fýtbol klýbynda oınaıtyn qazaqstandyq qorǵaýshy Tımýr Rýdoselskıı óz komandasynyń úzdik oıynshysy atandy. Máselen, mundaı qorytyndy Armenııa chempıonaty aıasyndaǵy «Lorı» - «Ararat-Armenııa» (0:1) matchynan keıin shyǵarylǵan, dep habarlaıdy QazAqparat KazFootball.kz-ke silteme jasap.

Rýdoselskıı alańda 81 mınýt bolǵan. Osy ýaqyt ishinde qorǵanysta jeńiske jetken «jekpe-jekterdiń» (80%), dál pastardyń (88%) eń jaqsy paıyzyn kórsete aldy, sonymen qatar dopty 7 ret qaǵyp áketken. Qazaqstandyqtyń ındeksi 244-ti qurady, bul «Lorı» oıynshylary arasyndaǵy eń úzdik nátıje boldy.

Instat Index nusqasy boıynsha, «Ararat-Armenııaǵa» qarsy matchtan keıingi «Lorıdiń» úzdik bes oıynshysy:

1. Tımýr Rýdoselskıı – 244;

2. Djımı Aleksıs – 240;

3. Nana Antshı – 233;

4. Aram Kocharıan – 229;

5. Pavel Osıpov – 208.

Qazirgi ýaqytta «Lorı» Armenııa chempıonatynda 13 upaımen besinshi orynda tur.