Qazaqstandyq fýtbolshy alǵash ret FIFA-nyń kompıýterlik oıynyna kirdi
ASTANA. QazAqparat - Shetel klýbynyń FIFA 15 kompıýterlik oıynynda tarıhta alǵash ret qazaqstandyq fýtbolshy paıda boldy, dep jazady sports.kz.
Ol elimizdiń ulttyq quramasynyń jáne polıaktyń «Korona» komandasynyń shabýylshysy, bıyl qysta polıak komandasymen kelisimshartqa qol qoıǵan Sergeı Hıjnıchenko.
Polıak Ekstraklasy FIFA oıynynda birinshi jyl shyǵyp otyrǵan joq (2013 jylǵy nusqada da bar). Oıynda Hıjnıchenkonyń skıll deńgeıi 57-ge teń (mysal úshin, «Barselona» oıynshysy Lıonel Messıde - 95, «Lıverpýl» fýtbolshysy Marıo Balotellıde - 85).
Eske salsaq, aǵymdaǵy maýsymda 22 jastaǵy qazaqstandyq polıak lıgasynda 13 oıyn ótkizdi, onda ol bir gol soqty.
Polıaktardyń Sergeıge eýrokýboktaǵy «Shahterdegi» oıynynan keıin kózderi tústi, oıynda Hıjnıchenko ózin belsendi kórsetti. Ótken maýsymda «Shahterde» Hıjnıchenko negizgi quram oıynshysy boldy. Chempıondar Lıgasy biliktiliginde kenshilerdiń atynan shyqqan ol borısovtyq BATE qaqpasyna bir gol soqsa, albandyq «Skenderbeýge» eki gol, shotlandııalyq «Seltıkke» 1 gol kirgizdi. Qazaqstan kýbogynyń 5 matchynda 1 gol soqty. QPL 20 oıynynda 5 nátıjeli soqqy jasady.
Sondaı-aq, Hıjnıchenko Qazaqstan quramasy úshin matchta 2013 jyly Grýzııa quramasyna gol soqqan.
Sergeı Hıjnıchenko 2014 jylǵy 25 qańtarda polıak «Koronasymen» kelisimshartqa qol qoıdy. Eńbek kelisimi 2014 jylǵy jeltoqsanǵa deıin sozylýy tıis.
