Qazaqstandyq fýtbolda alǵash ret joıylyp ketetin spreı qoldanyldy
ASTANA. QazAqparat - Qazaqstanda alǵash ret fýtbol tóreshisi aıyppul soqqysyn oryndaıtyn alańdaǵy núkteni jáne onyń ornyn belgileıtin ózdiginen joıylyp ketetin spreı qoldanyldy, dep habarlady Vesti.kz.
Bul 1 naýryzda «Astana Arena» stadıonynda ótken «Astana» FK men almatylyq «Qaırat» arasyndaǵy Qazaqstannyń Sýperkýbogy matchynda boldy. Bul kezdesý elordalyq komandanyń penaltı serııasyndaǵy jeńisimen aıaqtalǵan bolatyn.
Eske sala keteıik, joıylyp ketetin spreı Brazılııadaǵy 2014 jylǵy álem chempıonatynda oıdaǵydaı baıqaýdan ótti jáne Eýropa birinshilikterinde keńinen taraldy. Ony Chempıondar lıgasy matchtarynda jáne ÝEFA-nyń basqa da týrnırlerinde, sondaı-aq Frantsııa, Italııa, Ispanııa, Anglııa jáne Nıderlandy chemponattarynda qoldanady.
Ózdiginen joǵalyp ketetin spreı 7 naýryzda bastalatyn Qazaqstan chempıonatynda da qoldanylýy múmkin.
