Qazaqstandyq fýtbol klýby onjyldyqtaǵy úzdik klýbtar reıtıngine kirdi
NUR-SULTAN. QazAqparat – Fýtbol tarıhy men statıstıkasy halyqaralyq federatsııasy (IFFHS) onjyldyqtaǵy úzdik klýbtardyń tizimin jarııalady. Onyń arasynda qazaqstandyq «Astana» klýby da bar, dep habarlaıdy QazAqparat Sports.kz saıtyna silteme jasap.
Úzdik klýb retinde Ispanııanyń «Barselona» komandasy ataldy. Sondaı-aq, úzdikter «bestiginde» «Real Madrıd» (Ispanııa), «Bavarııa» (Germanııa), PSJ (Frantsııa) jáne «Atletıko» (Ispanııa) bar.
Reıtıngte usynylǵan 140 komandanyń ishinde qazaqstandyq klýb ta bar. «Astana» komandasy sońǵy 139-shy oryndy «Malme» (Shvetsııa) komandasymen ózara bólisken. IFFHS-tiń reıtıngti qurastyrar kezde klýbtardyń 2011 jylǵy qańtar aıynan 2020 jyldyń jeltoqsanyna deıingi aralyqta resmı jarystardaǵy tabystary esepke alynǵan.
Avtory: Asyljan Muhtar
