Qazaqstandyq fýtbol klýbtaryna eýrokýbokqa qatysýǵa sertıfıkat berildi
NUR-SULTAN. QazAqparat - Qazaqstandyq fýtbol klýbtary bıylǵy eýrokýbok jarystaryna qatysý úshin sertıfıkat aldy, dep habarlaıdy QazAqparat tilshisi Qazaqstan fýtbol federatsııasyna silteme jasap.
Federatsııada UEFA Chempıondar lıgasy men Eýropa lıgasynyń qazaqstandyq qatysýshylaryn sertıfıkatsııadan ótkizý komıssııasynyń otyrysy ótti. Otyrys onlaın-konferentsııa túrinde uıymdastyryldy. Onda eýropalyq jarystarǵa qatysatyn qazaqstandyq komandalardyń UEFA-nyń sertıfıkatsııa jáne qarjylyq Fair Rlay erejesin oryndaýy eskerildi. Nátıjesinde komıssııa Nur-Sultan qalasynyń «Astana» fýtbol klýbynyń UEFA Chempıondar lıgasyna, «Qaırat» (Almaty), «Ordabasy» (Shymkent) jáne «Qaısar» (Qyzylorda) fýtbol klýbtaryna UEFA Eýropa lıgasy 2020-2021 maýsymyna qatysýǵa sertıfıkattar berý týraly sheshim qabyldady.
«Aıta keterligi, «Astana» fýtbol klýby Nur-Sultan qalasyndaǵy «Astana Arena» stadıonyn qalpyna keltirýdi 15 shildege deıin aıaqtaýy qajet. Sondaı-aq, stadıonnyń jasandy jamylǵysyn FIFA akkredıtatsııasy bar zerthanadan synaqtan ótkizýi tıis. Al «Qaısar» Qyzylorda qalasyndaǵy Ǵanı Muratbaev atyndaǵy stadıonynyń jasandy jamylǵysyn FIFA akkredıtatsııasy bar zerthanasynda jasalǵan synaq qorytyndysyn 1 tamyzyna deıin tapsyrýy kerek. Eýropalyq jarystarǵa qatysatyn komandalardyń fýtbol alańdaryn synaqtan ótkizý jyl saıyn qarastyrylǵan» dep jazylǵan federatsııa taratqan habarlamada.
Bıyl Chempıondar lıgasy men Eýropa lıgasy irikteý satysyndaǵy oıyndardy ótkizý jospary naqtylandy. Eýrokýbok oıyndarynyń irikteý satysy bir kezdesýden turady. Ol jerebe boıynsha anyqtalady. Chempıondar lıgasynyń alǵashqy irikteý satysy 8-11 tamyz aralyǵynda bolsa, Eýropa lıgasynda ol 20 tamyzda ótkiziledi.
Sondaı-aq, budan buryn fýtboldan UEFA Chempıondar lıgasyna qatysqan barlyq komandanyń reıtıngi jarııalandy.
