Qazaqstandyq frıstaılshy Álem kýbogy kezeńinde «kúmis» enshiledi
ASTANA. QazAqparat - Frıstaıldan Qazaqstan áıelder quramasynyń úzdigi ıÝlııa Galysheva búgin Japonııanyń Tazavako qalasynda ótip jatqan Álem kýbogy kezeńinde kúmis júldeni qanjyǵasyna baılady, dep habarlaıdy QazAqparat tilshisi.
Otandasymyz kúmis júldege frıstaıldyń paralleldi mogýl túrinen ıe boldy. Bul júlde onyń bıylǵy Álem kýbogy kezeńderindegi alǵashqy jetistigi.
Saıystyń bul túrinen bas júlde men «qola» amerıkalyq sportshylar Djeılın Kaýfqa jáne Olıvııa Djıadjıoǵa buıyrdy.
Atalmysh básekede erler de synǵa túsken bolatyn. Alaıda, jigitterimizdiń biri Dmıtrıı Reıherd júldeli orynǵa bir taban jaqyndaǵanymen, tórtinshi oryndy qanaǵat tutty. Bas júlde men kúmis medaldi kanadalyq sportshylar Maıkl Kıngsberrı men Bendjamın Kavet jeńip aldy. Al úzdik úshtikke avstrııalyq sportshy Mett Grehem qol jetkizdi.
