Qazaqstandyq frıstaılshy álem kýbogi kezeńinde «kúmis» aldy
ASTANA. QazAqparat – Almatydaǵy «Shymbulaq» taý-shańǵy bazasynda frıstaıldan ótip jatqan álem kýbogi kezeńinde qazaqstandyq Pavel Kolmakov kúmis júldeger atandy, dep habarlaıdy QazAqparat tilshisi.
P.Kolmakov frıstaıl-mogýldan fınalda 78,72 ball jınap, ekinshi orynǵa ıe boldy.
Kanadalyq Mıkael Kıngsberı (85,67) jeńimpaz atansa, aýstralııalyq Mett Gremge 78,42 qola júlde buıyrdy.
«Sportty damytý dırektsııasy» RMQK málimeti boıynsha taǵy bir qazaqstandyq Anton Bondarev irikteýden óte almady.
Sondaı-aq mogýl jarysynda áıelder arasynda Aıaýlym Ámrenova fınalǵa ótkenimen, júldege ilikken joq.
Eske sala keteıik, budan buryn Almatyda frıstaıldan ótetin álem kýboginiń fınalyna álemniń 14 elinen sportshylar qatysatynyn jazǵan bolatynbyz.
