Qazaqstandyq fılm YouTube-ta qaralym boıynsha jańa rekord ornatty
Otbasylyq komedııanyń lıtsenzııaly nusqasy shyǵarýshylardyń resmı arnasynda jarııalanysymen 1 mıllıon adam qarap úlgerdi. Bul – Qazaqstan fılmderi sanatyndaǵy jańa rekord.
Genesis YouTube Qazaqstan dırektory Samson Bezmıatejnyıdyń aıtýynsha, fılm qazaqstandyq kórermen qaýymnyń arasynda úzdik dınamıkaǵa ıe bolǵan.
«Fılmdi YouTube-ta 3 kúnniń ishinde 1 mıllıon adam kórdi. Qazaqstanda 2 jylda 50 shaqty fılm jaryq kórgenmen, mundaı kórsetkish bolǵan emes», - dedi ol.
Qazaqstandyq YouTube qoldanýshylar fılm keıipkerleri bastan keshken shytyrman oqıǵalarǵa laıyqty baǵasyn berip, «laık» basýdan aıanyp qalǵan joq. Qysqa ýaqyt ishinde 30 myń «laık» basylyp, 3 myń pikir jazylǵan.
«Kanıkýly off-line» 2019 jylǵy naýryzda kórermenge jol tartqan. Rejısseri - Rýslan Akýn. Ol buǵan deıin «Salam, New York», «ıA lıýblıý tebıa, Bıshkek», «Vremıa stoıkıh», «V poıskah mamy», «V poıskah mamy 2» fılmderimen tanylyp úlgergen.
Fılmniń sıýjetine kásip ashpaq bolǵan úsh stýdent dostyń bastan keshkenderi arqaý etilgen. Olar qalalyq balalarǵa arnap elde joq etno-lager ashady. Onyń ereksheligi – balalardy planshet pen telefon shyrmaýynan qutqarýdy maqsat etkendigi.
Eske sala keteıik, jýyrda komedııanyń jalǵasy - «Kanıkýly off-line 2» prokatqa shyǵady. Premerasy - 26 jeltoqsanda.
