Qazaqstandyq fılm Úndistandaǵy kınofestıvalde úzdik atandy
ALMATY.QazAqparat - Úndistan kınofestıvalinde qazaqstandyq «Tús dámi» fılmi úzdik atandy, dep habarlaıdy QazAqparat tilshisi «Qazaqfılm» baspasóz qyzmetine silteme jasap.
21 shilde kúni Úndistannyń Kalkýtta qalasynda ótken «Kolkata Shorts International Film Festival» VIII halyqaralyq kıno festıvalinde qazaqstandyq rejısser Kamılla Abdeldınovanyń «Dám túsi» qysqametrajdy derekti fılmi «Úzdik derekti fılm» atandy. Týyndy QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasynda túsirilgen.
«Dám túsi» fılmi «Qazaqstannyń túrki halyqtary» tsıklyna kiredi. Bul kartına Qazaqstanda turatyn kópultty túrki etnostaryna arnalǵan. Abdeldınovanyń týyndysy uıǵyr etno-avangard sýretshisiniń tarıhy arqyly Qazaqstanda turatyn uıǵyrlar týraly baıandaıdy.
«Kınematografıst Dáýren Ámirǵazınov ekeýmiz barǵan Kalkýttaǵa saparymyz óz nátıjesin berdi. Bul - bizdiń fılmniń eń birinshi marapaty. «Úzdik derekti fılm» atandyq. Biz úshin baqyt - marapat pen konkýrs emes, eń bastysy, bizdi qoldaǵan qazaqstandyqtar men jaqynyndaı qarsy alǵan úndisterge rızamyz.Biz úshin basty marapat – halyqtyń meıirimi men baýyrmaldyǵy,- dedi rejısser Kamılla Abdeldınova.
Sonymen qatar, bul dodaǵa «Qazaqfılm» kınostýdııasynyń «Hangúl izimen...» atty derekti fılmi de qatysty Rejısseri - Vıtalıı Chernov. Kartına shól jáne shóleıt aımaqtardy mekendeıtin hangúl, ıaǵnı buhar (toǵaı) buǵysy, olardy Qazaqstanda qaıta kóbeıtý jaıly baıandaıdy.
