Qazaqstandyq fılm San Sebastıanda kórsetiledi
NUR-SULTAN. QazAqparat - Qazaqstandyq «Sary mysyq» kartınasy San Sebastıanda kórsetiledi, dep habarlaıdy QazAqparat.
«24 qyrkúıekte rejısser Ádilhan Erjanovtyń «Sary mysyq» fılmi San Sebastıandaǵy 68-shi halyqaralyq kınofestıval – «A» klasyndaǵy álemdegi eń bedeldi kınofestıvalderdiń birinde kórsetiledi. Bul kınoqaralym Eýropada mańyzy jaǵynan Kann, Berlın jáne Venetsııadan keıingi tórtinshi orynda» dep málim etti «Qazaqfılm» kınostýdııasy Instagram paraqshasynda.
Kórsetilim «Zabaltegi Tabakalera» sektsııasynyń aıasynda ótedi, onda kınematografııadaǵy jańa tolqyndy avtorlardyń týyndylary bar.
Eske sala keteıik, biz buǵan deıin «Sary mysyq» atty jańa týyndynyń 77-shi Halyqaralyq Venetsııa kınofestıvalinde tusaýy kesilgenin jazǵan bolatynbyz.
