Qazaqstandyq fılm Karlovy Varydaǵy HKF konkýrstyq baǵdarlamasyna ilikti
ASTANA. QazAqparat - Sháken Aımanov atyndaǵy «Qazaqfılm» AQ shyǵarǵan rejısser Narıman Tórebaevtyń «Shytyrman» fılmi 4-12 shilde kúnderi Karlovy Varyda (Chehııa) ótetin 49-shy halyqaralyq kınofestıvaldiń negizgi baǵdarlamasyna irikteldi, dep habarlady kınostýdııanyń baspasóz qyzmeti.
«Shytyrman» fılmi Fedor Dostoevskııdiń «Aq túnder» povesin erkin ekrandaý ekendigi atap ótilgen. Fılmniń oqıǵasy qazirgi kúnderi Almatyda ótedi. Kartına mahabbat adamdardy ajyratatynyn jáne qosatynyn baıandaıdy. Fılmdi túsirý ótken jyldyń tamyzy sońynda aıaqtaldy. Frantsýzdyń Arizona Films kompanııasy halyqaralyq teń prodıýser bolǵan.
Karlovy Varydaǵy halyqaralyq kınofestıval jyl saıyn shildede ótedi. Festıval Ortalyq jáne Shyǵys Eýropadaǵy eń mańyzdy kınematografııalyq oqıǵa bolyp sanalady. 1956 jyldan bastap festıval joǵary sanatqa jatady, oǵan ǵalamshardyń 13 jetekshi álemdik kınoforýmdary kiredi.
