Qazaqstandyq fılm Grekııada ótken kınofestıvalde júldeli boldy
ALMATY.QazAqparat – Rejısser Aldııar Baıraqymovtyń «Na granı» fılmi Gretsııanyń Pırgos qalasynda ótken halyqaralyq «Olımpııa» balalar jáne jasóspirimderge arnalǵan kınofestıvalde kınosynshylardyń arnaıy júldesimen marapattaldy, dep habarlaıdy QazAqparat tilshisi.
QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen fılm bir-birine múldem uqsamaıtyn, alaıda taǵdyrlary kezdeısoq toǵysqan jasóspirimder týraly baıandaıdy. Otbasy jylýy men jaqyndarynyń qoldaýynan aıyrylǵan, tipti áleýmetpen til tabysa almaı júrgen olar basyn qaýipke tigedi.
Grekııanyń úkimet bıligi jáne jastardyń kommertsııalyq emes uıymdary birigip uıymdastyrǵan bul festıvaldiń negizi 1997 jyly qalanǵan bolatyn. Baıqaý jergilikti Mádenıet mınıstrligi men Jastar jónindegi Bas hatshylyǵy qoldaýymen ótkiziledi.
Festıvaldiń negizgi maqsaty – jergilikti aýdıtorııany álemde shyǵyp jatqan balalar men jasóspirimderge arnalǵan jańa fılmdermen tanystyrý, balalarǵa arnalǵan aýdıo-vızýaldy baǵdarlamalardy damytýǵa úles qosý, sondaı-aq osy taqyrypta túsiriletin fılmderdiń óndirisin qoldaý.
«Bizdiń fılm kórermenderdiń yqylas-iltıpatyna bólenip, kınosynshylardyń da joǵary baǵasyn alyp jatyr. Fılmniń túsirý tobyn osy jeńispen quttyqtaımyn. Kartınanyń halyqaralyq deńgeıde tanylýyna úles qosyp júrgen jandarǵa erekshe alǵysymdy bildiremin», - dedi fılmniń rejısseri Aldııar Baıraqymov.
Esterińizge sala ketsek, byltyr «Na granı» fılmi Reseıdiń Anapa qalasynda ótken «Kınoshok» atty TMD jáne Baltyq elderi kınosynyń ashyq kınofestıvaliniń negizgi baıqaýyna qatysqan, sondaı-aq Belarýsııada ótken «Lıstopad» halyqaralyq kınofestıvalinde úzdik stsenarıı úshin qazylar alqasynyń arnaıy júldesimen jáne ıÝNISEF qorynyń syılyǵymen marapattalǵan.
Sonymen qatar, byltyr bul fılm «Úzdik debıýt» nomınatsııasy boıynsha Qazaqstan kınematografıster odaǵynyń «Qulager» júldesine ıe boldy.
