Qazaqstandyq fılm Frantsııa kınofestıvalinde gran-prı jeńip aldy
ASTANA. QazAqparat - Emır Baıǵazınniń «Úılesim sabaqtary» («Ýrokı Garmonıı») týyndysy Frantsııanyń Anje qalasynda ótken Premiers Plams halyqaralyq kınofestıvaliniń gran-prı júldesine ıe boldy, dep habarlaıdy Sháken Aımanov atyndaǵy «Qazaqfılm» AQ-nyń baspasóz qyzmetinen.
Rejısserge kartınany Frantsııa kórermenderine tanytý úshin 15 myń eýro kóleminde syıaqy berildi. Halyqaralyq qazylar alqasyna Marııa de Medeırýshpen qatar, rejısser Katrın Korsını, aktrısa Elıza Lasovskı, stsenarıı jazýshy Anna-Lýıza Trıvıdık, rejısser Nadır Moknesh engen. Emır Baıǵazınniń bul týyndysy Eýropada jáne AQSh-ta ótken ondaǵan kınofestıvaldardyń júldesine ıe bolǵandyǵyn aıta keteıik, eń alǵashqy júlde Berlın kınofestıvalinde úzdik operatorlyq jumysy úshin berildi jáne «Morgen Post» gazetiniń arnaıy syılyǵy tabystaldy.
Premiers Plans halyqaralyq festıvali 2014 jyldyń 17-26 qańtar aralyǵynda ótti. Onda shamamen álemniń ár túkpirinen 80-nen astam fılm usynyldy.
