Qazaqstandyq fılm «Aına» halyqaralyq baıqaýyna qatysyp jatyr

MÁSKEÝ. QazAqparat - Andreı Tarkovskıı atyndaǵy «Aına» halyqaralyq kınofestıvaliniń basty baıqaýyna segiz fılm qatysady. onyń ishinde Qazaqstan, Serbııa, Grekııa, Kolýmbııa, Reseı jáne basqa da elderdiń fılmderi bar, dep habarlaıdy QazAqparat TASS-qa silteme jasap.

Festıval Reseıdiń Ivanovo oblysynda 22-27 shilde aralyǵynda ótedi. Tarkovskııdiń týǵan jeri ıÝrevetste rejısserdiń týǵanyna 90 jyl tolýyna arnalǵan kontsertpen ashylady.

Negizgi baıqaýǵa 8 fılm usynylyp otyr, bul kartınalardy túsirýge 10 memleket mamandary tartylǵan. «Aına» halyqaralyq baıqaýyna dástúrli túrde álemniń túkpir-túkpirinen kelgen avtorlyq fılmder qatysady.

Baıqaýǵa qazaqstandyq Asqar Uzabaevtyń «Baqyt» fılmi joldama alyp otyr. Aıta keteıik, rejısser Asqar Uzabaev, prodıýser Baıan Alagózova túsirgen «Baqyt» fılmi turmystyq zorlyq-zombylyq máselesine arnalǵan. Bıyl bul kartına Berlın kınofestıvalinde júldege ıe bolǵan bolatyn.

Sondaı-aq baǵdarlamaǵa Reseıden Tına Mastafaevanyń «Tembot» fılmi men Marııa Ignatenkonyń «Prızrachno-belyı» kartınasy, serbııalyq Mılosh Pýshıchtiń «Jumysshy tabynyń qaharmandary», grekııalyq Krıstos Pasalıs pen Sılas Tsýmekastyń «Qala men qala» fılmderi men basqa da jobalar enip otyr.

Qazylar alqasyn Tarkovskııdiń kýrstasy, rejısser Alı Hamraev basqarady.

Foto: instagram.com/askar567cl