Qazaqstandyq fılm Asia Pacific Screen Awards marapatyna usynyldy
ALMATY. QazAqparat - Qazaqstandyq rejısserdiń fılmi birneshe nomınatsııa boıynsha Azııa-Tynyq muhıty kınosyılyǵyna usynyldy, dep habarlaıdy QazAqparat tilshisi
2007 jyly qurylyp, jyl saıyn ótetin Asia Pacific Screen Awards Azııa-Tynyq muhıty kınosyılyǵynyń «Úzdik fılm» nomınatsııasyna Ádilhan Erjanovtyń «Álemge jyly beıjaılyq» («Laskovoe bezrazlıchıe mıra») kartınasy usynylǵan.
Sonymen qatar, rejısser «Úzdik shynaıy stsenarıı» nomınatsııasy boıynsha da baq synamaq.
Bul baıqaýda Azııa-Tynyq muhıt aımaǵynyń fılmderin, akterlerin, rejısserlerin jáne mádenıetin marapattaý jáne ilgeriletý kózdelgen.
Jeńimpazdardy halyqaralyq qazylar alqasy anyqtaıdy. Fılmder kınematografııalyq sheberlik boıynsha jáne ulttyq, mádenı qundylyqtardyń kórinis tabýy boıynsha baǵalanady.
Bıyl atalmysh baıqaýǵa 22 elden 46 fılm qatysady.
Oljas Omarbek
