Qazaqstandyq fermerlerdiń sapaly tuqym alýyna jaǵdaı jasalady
Atalǵan kelisimge 2017 jylǵy 7 qarashada qol qoıyldy. Kelisimniń maqsaty - EAEO aıasynda tuqymdardyń jalpy naryǵyn damytý. Sonymen qatar, tuqymdardyń sapasy týraly málimetterdi qamtyǵan qujattardy EAEO-ǵa múshe memleketterdiń ózara tanýyna, bul tuqym naryǵyna qatysýshylardyń qaıta saraptama júrgizýge jáne tuqymdardyń sapasy týraly qujattardy rásimdeýge ýaqyt pen qarajatty únemdeýge múmkindik beriledi.
«Kelisimdi iske asyrý Qazaqstanda tuqym suryptaryn synaý jáne osy salalardaǵy zańnamany jetildirýge, sondaı-aq EAEO aýqymynda tuqym naryǵyna qol jetkizýdi keńeıtýge múmkindik beredi. Munymen qosa, elimizdegi selektsııany jáne tuqym sharýashylyǵyn damytýdy qamtamasyz etýge, otandyq aýyl sharýashylyǵy óniminiń básekege qabilettigin arttyrýǵa jaǵdaı jasalady», - dedi QR Aýyl sharýashylyǵy birinshi vıtse-mınıstri Arman Evnıev.