Qazaqstandyq fermerler qalaı tsıfrlandyrylady
«Fermerlerdi agroónerkásiptik keshendi tsıfrlandyrýǵa tartý maqsatynda fermerler 3 topqa bólinetin bolady. Birinshi top - «tsıfrlandyrý pıonerleri». Bular qajetti ınfraqurylymy bar, óz óndirisin tsıfrlandyrýǵa qazir-aq kirisip ketýge daıyn fermerler», - dedi QR Aýyl sharýashylyǵy birinshi vıtse-mınıstri Arman Evnıev.
Onyń sózine qaraǵanda, ekinshi topqa tehnıkalyq turǵydan joǵary deńgeıde jaraqtandyrylǵan, joǵary tehnologııaly jabdyq engizýshi fermerler kiredi. Tsıfrlandyrýǵa batyl qadam jasaý úshin olardy qoldaý jáne yntalandyrý qajet.
«Úshinshi top - olar ázirge tehnıkalyq jaraqtalý deńgeıi tómen, tehnologııalyq tártipti saqtaýǵa ázirge daıyn emes fermerler. Bul toppen keshendi túrde jumys isteý kerek. Qalaı jumys isteıtinin jáne qanshalyqty paıdaly ekendigin kórýi úshin árbir topqa ozyq sharýashylyqtar mysalynda referenstik (etolondyq) modelder qurylatyn bolady. Árbir model úshin chek-paraq ázirlenedi, ony árbir fermer oryndaǵan saıyn salanyń aýqymdy tsıflanýyna birte-birte tartyla beredi. Tıisinshe, árbir top úshin tsıfrlyq tehnologııalar engizýdi memlekettik qoldaý men yntalandyrý sharalarynyń óz toptamasy ázirlenetin bolady», - dedi Arman Evnıev.