Qazaqstandyq fermerler dızel otynyn 15% arzanǵa satyp alatyn boldy

NUR-SULTAN. QazAqparat - Qazaqstandyq fermerler dızel otynyn aǵymdaǵy bólshek saýda baǵasynan 15% arzanyraq satyp alatyn boldy, dep habarlaıdy QazAqparat Energetıka mınıstrligine silteme jasap.

Aýyl sharýashylyǵy operatorlaryna jetkizý, saqtaý jáne ústeme baǵa esebimen dızel otynynyń baǵasy - 165 teńge.

Buǵan deıin Energetıka mınıstrligi Aýyl sharýashylyǵy mınıstrligimen birlesip «Egin jumystaryna dızel otynyn jetkizýge arnalǵan MÓZ-ge aýdandardy bólý kestesin» bekitken edi. Onyń sheńberinde aýyl sharýashylyǵy taýaryn óndirýshilerge qajettilik 390 myń tonna dep bekitildi.

Buryn usynylǵan baǵa zaýytta bir tonnasy - 194 myń teńge (lıtri - 161 teńge) edi.

Prezıdent Qasym-Jomart Toqaevtyń tapsyrmasyn oryndaý sheńberinde aýyl sharýashylyǵy taýaryn óndirýshilerge dızel otynynyń bir tonnasy - zaýytta 174 myń teńge nemese lıtri - 144 teńge deńgeıinde belgilenedi.

Jetkizýdi, saqtaýdy jáne operatorlardyń shekaralaryn eskere otyryp, bir lıtr - 165 teńge. Bul qazirgi baǵadan 15% arzan (janarmaı stansasynda dızel otyny lıtriniń ortasha baǵasy - 193 teńge).