Qazaqstandyq fermerler bıyl shetelden 11,6 myń sıyr satyp aldy
«Sybaǵa» baǵdarlamasy boıynsha bıyl 108 taýar óndirýshi 11 639 bas iri qarany shetelden satyp alyp keldi. Negizgi qarjylandyrylǵan soma – 7,5 mlrd teńge. 2019 jylmen salystyrar bolsaq, byltyr 63 myń iri qara shetelden ákelingen bolatyn. Bıyl pandemııaǵa baılanysty jazda ol jumys kishkene qysqaryp qaldy», - dedi «QazAgro» ulttyq basqarýshy holdıngi» aktsıonerlik qoǵamynyń basqarma tóraǵasy Erbol Qarashókeev OKQ-da ótken baspasóz máslıhatynda.
Eske sala ketsek Aýyl sharýashylyǵy mınıstri Saparhan Omarov ishki naryqty negizgi tamaq ónimderimen qamtý jospary bir aı ishinde bekitiletinin málim etken edi.
«Bul másele boıynsha 2023 jyldyń sońyna qaraı ishki naryqty negizgi tamaq ónimderimen tolyqtaı molyqtyrýǵa múmkindik beretin negizgi tásildemeler aıqyndalǵanyn atap ótkim keledi. Bul sharalar búgin Úkimet otyrysynda tanystyryldy. Premer-Mınıstrdiń tapsyrmasy boıynsha ishki naryqty azyq-túlik ónimderimen molyqtyrý jónindegi keshendi jospardyń jobasy bir aı merzimde múddeli memlekettik organdarmen kelisilip, Úkimetke bekitýge engiziledi», - dedi Saraphan Omarov.
