Qazaqstandyq faıter Amerıka lıgasy gran-prıiniń fınalyna shyqty

MESA. QazAqparat - Aralas jekpe-jekten qazaqstandyq Nıkolaı Veretennıkov (11-4) kezekti jekpe-jegin ótkizdi, dep habarlaıdy QazAqparat Sports.kz saıtyna silteme jasap.

Ol Mesa qalasynda (Arızona, AQSh) UFL (United Fight League) Gran-prıiniń jartylaı fınalynda óner kórsetip, jergilikti faıter Lýıs Inıgespen (6-3) kezdesti. Jerlesimizdiń qarsylasy ekinshi raýndta tehnıkalyq nokaýtpen tize búkti.

Nıkolaı Veretennıkov UFL-degi munyń aldyndaǵy jekpe-jegin 13 mamyrda ótkizgen. Ol kezde de ekinshi raýndta amerıkandyq Demark Djeksondy (13-8) jeńgen bolatyn. 2021 jyly Qazaqstan ókili UFC-ge Dana Ýaıt úmitkerler týrnıri arqyly kirýge tyrysqan, alaıda tóreshilerdiń sheshimimen ekvadorlyq Maıkl Moralesten (15:0) jol berdi.