Qazaqstandyq farmatsevtıkalyq kásiporyndardyń eshqaısysynda halyqaralyq standarttarǵa sáıkestigi týraly sertıfıkat joq

Búgin QR Parlamenti Cenatynyń jalpy otyrysynda Úkimet basshysynyń atyna saýal joldaǵan senator ıÝrıı Kýbaıchýk osylaı málim etti.

Senatordyń aıtýynsha, búgingi kúni elimizde tirkelgen 79 farmatsevtıkalyq kásiporyn qyzmet etedi. Bular 2010 jyly 19,65 mlrd. teńgeniń dári-dármek ónimderin shyǵarǵan. Bul 2009 jylmen salystyrǵanda 60 paıyzdyq ósimdi bildiretin kórsetkish. «Shyǵarylǵan farmatsevtıkalyq ónimderdiń negizgi bóligi otandyq óndirýshilerdiń burynnan shyǵaryp kele jatqan ónimderin qaıta jańǵyrtýyn quraıdy. Bul jalpy naryqtyń 85 paıyzyna teń. Elbasynyń júktegen tapsyrmasyna jáne Úkimettiń qaýlysyna sáıkes, elimizdegi farmatsevtıkalyq ónerkásipti damytýdyń besjyldyq baǵdarlamasy ázirlengeni belgili. Bul baǵdarlamanyń negizgi mindeti qoldanystaǵy farmatsevtıkalyq óndiristi jańǵyrtyp, jańa kásiporyndar salý, olarǵa halyqaralyq standartardy engizý bolyp tabylady. Alaıda, búgingi kúnge deıin Qazaqstandaǵy farmatsevtıkalyq kásiporyndardyń eshqaısysynda da halyqaralyq standarttarǵa sáıkestigi týraly sertıfıkat joq, bundaı standarttarǵa ótýdiń naqty is-sharalary da qamtylmaǵan. Bul baǵytta bilikti mamandar da tapshy», - dedi senator. Osyǵan oraı, ıÝ. Kýbaıchýk Úkimet tarapynan arnaıy sharalardyń qabyldanýy qajettigin atap ótedi.