Qazaqstandyq Evgenııa Ragýlına ýshýdan eki dúrkin álem chempıony boldy
ASTANA. 18 qarasha. QazAqparat - Jýyrda Qytaıdyń Hýanshan (Anhoı provıntsııasy) qalasynda ótken ýshýdyń dástúrli tásilderi boıynsha 5-shi Álem chempıonatynda qazaqstandyq sportshy,
19 jastaǵy Evgenııa Ragýlına óziniń sheberligin taǵy bir márte rastap, eki dúrkin álem chempıony boldy. Bul týraly Shtattyq ulttyq komandalar jáne sporttyq rezerv dırektsııasynan málim etti.
Jarystarǵa 53 elden 900-den astam sportshy qatysty, olardyń arasynda Qazaqstannyń atletter bar.
Evgenııa Ragýlına 2009 jylǵy Azııa chempıony jáne 2010 jylǵy Álem chempıony bolyp tabylady. Ol Qytaıda ótken olımpıadalyq týrnırde Qazaqstan namysyn qorǵaǵan jalǵyz sportshy boldy. E.Ragýlınany óziniń anasy Nellı Mazgýnova jattyqtyrady.
Ragýlına halyqaralyq dárejedegi sport sheberi, Qazaqstan Respýblıkasynyń birneshe dúrkin chempıony, halyqaralyq jarystardyń jeńimpazy. 9-ynshy álem chempıonaty kezinde ótken 2008 jylǵy Olımpıadaǵa irikteý barysynda Ragýlına ýshýdan joldamaǵa ıe bolǵan jalǵyz qazaqstandyq boldy. Beıjińdegi Olımpıada oıyndary kezinde ol besinshi orynǵa taban tiredi.
