Qazaqstandyq Eýro-5 janarmaıy satylymǵa shyǵaryldy
«Kondensat» AQ» avtokólik otynynyń Eýro-5 ekologııalyq synybynyń kommertsııalyq óndirisin bastady. 12 jeltoqsan kúni Aqsaı qalasynda (BQO) janarmaı beketine alǵashqy janarmaı tasymaldaıtyn kólikti jiberý rásimi ótti. Quny 26 mlrd. teńgeden asatyn kásiporynnyń munaı óńdeý qýaty (jylyna 200 000 tonnadan astam) Qazaqstannyń batys aýdandaryn sapaly joǵary oktandy janarmaımen qamtı alady jáne gazoıl, gýdron sekildi munaı óńdeýdiń ózge de ónimderin eksporttaıdy», - delingen QDB habarlamasynda.
Jyl sońyna deıin kásiporyn vakýýmdy aıdaý bólimindegi qurylys-montaj jumystaryn aıaqtaýdy josparlaýda, ol aýyr munaı ónimderin óńdeýdi jáne ashyq tústi munaı ónimderin shyǵarýdy 90% deıin ulǵaıtyp, joba ekonomıkasyn jaqsartýǵa múmkindik beredi.
«Báıterek» Holdınginiń enshiles qurylymy «Qazaqstan damý banki» AQ qarjylandyratyn «Kondensat» AQ negizindegi jobanyń jalpy quny 56,5 mlrd. teńgeni quraıdy. QDB 70% astam qajetti qarajatty taýyp berdi, qaryz merzimi - 11 jylǵa deıin. QDB jobany 2015-2019 jj. arnalǵan QR ındýstrıalyq-ınnovatsııalyq damý memlekettik baǵdarlamasy aıasynda qarjylandyrýda», - dep naqtylady bank.
«Búginde bank eldegi eń iri kásiporyndar bolyp sanalatyn Atyraý jáne Pavlodar oblystaryndaǵy úsh munaı óńdeý zaýytynyń ekeýin qarjylandyrady. Bul sala uzaq merzimdi jáne arzan nesıe resýrstaryna zárý. «Kondensat» AQ negizindegi jańa óndiris kesheni ishki naryqtyń joǵary sapaly qazaqstandyq otynǵa degen suranystaryn tolyq qamtamasyz etý isine qosqan úlken úles bolyp sanalady», - dedi QDB basqarý tóraǵasynyń orynbasary Abaı Sarqulov.
«Kondensat» AQ BQO-da ornalasqan óz beketterine (jalpy sany - 4) jyl saıyn myna kólemde janarmaı jetkizýdi josparlaýda: AI-92 - 15 000 tonna, AI-95 - 2 000 tonna. 2017 jyly kásiporyn 487 301 tonna munaı ónimderin óndirýdi kózdep otyr. Onyń ishinde AI-92 markaly janarmaı - 139 517 tonna, AI-95 - 26 836, dızeldi otyn - 23 224 tonna, gazoıl fraktsııasy - 157 115, vakýýmdyq gazoıl - 68 443 tonna, gýdron - 16 076 tonna, qazandyq otyn - 14 591 tonna.
Joba aıasynda bý qazandyǵyn ornatý, azot stansasyn, elektr qosalqy stansasyn, tehnıkalyq hımııalyq zerthana men rezervýar parkin salý jumystary júzege asty, munaı bazasy men kásiporyndy gazben qamtý júıesi jańartyldy. Eýro-5 joǵary oktandy janarmaı óndirisiniń jobalyq qýaty jylyna 200 000 tonna: AI-92 - 114 000 tonna, AI-95 - 86 000 tonna.
Sonymen qatar, jańa zaýytta munaı ónimderiniń ózge de túrleri óndiriledi: gazoıl fraktsııasy (dızeldi otyndy suıyqpen tazartý qondyrǵysyn ornatýǵa arnalǵan shıkizat) -198 000 tonna, vakýýmdyq gazoıl (katalıtıkalyq jáne gıdro-krekıng qondyrǵylaryna arnalǵan shıkizat) - 104 000 tonnaǵa deıin, gýdron (bıtým óndirisine arnalǵan shıkizat) - 75 000 tonnaǵa deıin.
