Qazaqstandyq eskekshiler Álem Kýbogy kezeńinde qola medal ıelendi
ASTANA. QazAqparat - Qazaqstandyq eskekshiler, aǵaıyndy Tımofeı men Sergeı Emelıanovtar Serbııa astanasynda ótken baıdarka men kanoede esý boıynsha Álem Kýbogynyń úshinshi kezeńinde qola medal jeńip aldy, dep habarlaıdy «QazAqparat» HAA tilshisi.
"Qazaqstan quramasynyń úzdik nátıjesin ońtústikqazaqstandyq eskekshiler - sý sporty túrleri boıynsha sporttyq mekteptiń tárbıelenýshileri, aǵaıyndy Tımofeı men Sergeı Emelıanovtar kórsetti. Olar 500 metrlik qashyqtyqtaǵy kanoe-ekilik saıysyna qatysyp, qola medaldar jeńip aldy», - dep habarlady Ońtústik Qazaqstan oblystyq baıdarka men kanoede esý federatsııasynyń prezıdenti Denıs Jarmenov.
Onyń aıtýynsha, saıysqa álemniń 57 elinen kelgen sportshylar qatysqan.
Birinshi oryndy Polsha sportshylary Tomash Barnıak pen Vıktor Glazýnov ıelendi. Kúmis júldeni moldovalyq Ilıe Sprınchan men Oleg Nýta jeńip aldy.
