Qazaqstandyq Erjan Ordabaev Reseıde ótken týrnırde úzdik boksshy atandy
ASTANA. QazAqparat - Reseıdiń Nalchık qalasynda bokstan ashyq búkilreseılik «A» sanatyndaǵy týrnır máresine jetti.
Jyl saıyn ótetin dástúrli Balkar halqynyń jańǵyrý kúnine arnalǵan saıysta Atyraý oblysynyń boksshylary el namysyn qorǵady, dep habarlaıdy Qazaqstan boks federatsııasynyń baspasóz qyzmeti.
60 keli salmaqta judyryqtasqan Erjan Ordabaev tórt jekpe-jek ótkizip, chempıon atandy. Onymen qosa Erjan týrnırdiń «eń úzdik» boksshysy ataǵyna ıe boldy.
Odan bólek Amandyq Manashev, Rashıd Salaýatov, Esenaman Shýngarın qola medaldarǵa ıe bolady.
