Qazaqstandyq erekshe balalarǵa arnalǵan sporttyq týrızm jobasyn ázirleýde

QORǴALJYN. QazAqparat – Elimizde erekshe kútimdi talap etetin balalarǵa memleket tarapynan tıisti jaǵdaı jasalyp, ár óńirde arnaıy saýyqtyrý ortalyqtary men sport keshenderi jumys isteıdi. Sondaı-aq, erekshe balalardyń densaýlyǵymen qatar, olardyń qoǵamǵa sińip, ózderin kemsinbeı erkin sezinýi óte mańyzdy. Osy oraıda ınstrýktor Oljas Balmaǵambetov erekshe balalar arasynda sporttyq týrızmdi nasıhattap, óziniń avtorlyq jobasyn ázirleý ústinde. Ol erekshe joba týraly tolyǵyraq QazAqparat tilshisine áńgimelep berdi.

«Sporttyq týrızm dese kóp adamdar rıýkzakty asyp alyp taýdyń basyna shyǵý nemese sýdyń jaǵasynda demalý dep oılaıdy. Al negizinde ol aty aıtyp turǵandaı tabıǵat aıasynda sportpen aınalysý, shıraq, shymyr bolýǵa jáne dalalyq ómirge beıimdelýdi kózdeıdi. Sol sııaqty sporttyq týrızm adamdy tabıǵatty aıalaýǵa, ony qorǵap, qadirin túsinýge úıretedi. Ásirese týrızmniń bul túrin balalar men jasóspirimderdiń arasynda keńinen nasıhattaǵan jón», - dedi Oljas Balmaǵambetov.

Onyń aıtýynsha, aldaǵy tamyz aıynda sporttyq týrızmnen balalar men jasóspirimder arasynda týrnır ótedi.

«Týrnır dalalyq aımaqta ótedi. Qatysam deýshilerge esik ashyq. Atalǵan sharany alǵash ret 2019 jyly uıymdastyrdyq, óte jaqsy deńgeıde ótti. Ókinishke qaraı, ótken jyly pandemııaǵa baılanysty ótkize almadyq. Bıyl endi qaıta qolǵa alyp jatyrmyz. Sporttyq týrızmdi nasıhattaıtyn bul týrnır jarys túrinde ótedi jáne ol 3 kúnge sozylady. Týrnırden bólek, basty maqsatym – múgedek jáne erekshe kútimdi talap etetin balalardyń arasynda sporttyq týrızmdi nasıhattap, damytý. Sol maqsatpen Qorǵaljynda múgedek jáne erekshe kútimdi talap etetin balalardan quralǵan komanda jınap, olardy daıyndap, jarysqa qatystyrdym. Nátıje aıtarlyqtaı, balalarym júldemen oraldy. Endi osy baǵyttan taımaı, turaqty túrde aınalysýǵa bel býyp otyrmyn. Ol úshin qazir ózimniń avtorlyq jobamdy ázirlep jatyrmyn», - deıdi ol.

Mamannyń sózine qaraǵanda, jergilikti ákimdik atalǵan ıgi bastamaǵa qoldaý kórsetýge daıyn.

«Múgedek jáne erekshe kútimdi talap etetin balalarǵa arnalǵan sporttyq týrızm jobam birneshe baǵyttan turady. Oǵan sáıkes aldymen balalar jas jáne densaýlyq erekshelikterine sáıkes keshendi jattyǵý synaǵyn tapsyrady. Sodan keıin ár balanyń múmkindigine qaraı, sporttyq qabileti anyqtalady. ıAǵnı bala júgire me, sekire me álde taýǵa órmeleı me degen sekildi. Komanda jınaqtalǵan soń ár qatysýshyǵa óz mindeti túsindirilip, sol boıynsha jeke jáne komandalyq jattyǵý jumysy bastalady. Jalpy bul jobany alǵash 2017 jyly qolǵa alyp, sodan beri aprobatsııadan ótkizip kelemin. Nátıje jaman emes, eń bastysy balalar men olardyń ata-analarynyń tarapynan qyzyǵýshylyq bar. Qazirgi basty másele ol qarajat, sebebi joba ázir bolǵanymen bári aınalyp qarjyǵa tireledi. ıAǵnı, erekshe balalar arasynda sporttyq týrızmdi nasıhattap, damytý úshin aldymen arnaıy qural-jabdyqtar men basqa da qajettilikterdiń bolýy shart», - dedi joba avtory.