Qazaqstandyq elshi ıAmaıkanyń general-gýbernatoryna senim gramotalaryn tapsyrdy
ASTANA. QazAqparat - Qazaqstan Respýblıkasynyń elshisi Andrıan Elemesov ıAmaıkanyń general-gýbernatory Patrık Lınton Allenge senim gramotalaryn tabystady, dep habarlaıdy QazAqparat Syrtqy ister mınıstrliginiń baspasóz qyzmetine silteme jasap.
Kelissóz barysynda elderimiz arasyndaǵy qarym-qatynastardyń qazirgi jaǵdaıy men damý perspektıvalarynyń máseleleri keńinen talqylandy. Qazaqstandyq dıplomat ıAmaıka basshylyǵyn elimizdiń halyqaralyq bastamalarymen tanystyrdy.
Taraptar eki memleket arasyndaǵy baılanystardyń belsendilik deńgeıiniń tómen bolǵanyn eskere otyryp, saýda-ekonomıkalyq, týrızm, mádenıet jáne zańdyq salalarda yntymaqtastyqty arttyrý úshin kelisim-shart bazasyn jetildirýge kelisti.
A.Elemesov Elbasynyń QR Syrtqy ister mınıstriliginiń aldynda qoıǵan ınvestıtsııalardy tartý, qazaqstandyq ónimderdi ilgeriletý jáne ekonomıkalyq dıplomatııany nyǵaıtý boıynsha maqsattardy túsindirý úshin dıplomatııalyq apta sheńberinde ıAmaıkanyń Úkimet basshysy Endrıý Holness, syrtqy ister mınıstri Kamına Djonson Smıt, Ulttyq qaýipsizdik mınıstri Horas Chang, Indýstrııa jáne aýyl sharýashylyq mınıstri Odlı Shom, Týrızm mınıstri Edmond Bartlett, Qarjy mınıstri Naıdjel Klark jáne Saýda palatasynyń tóraǵasy Loıd Dıstantpen kelissózder ótkizdi.
