Qazaqstandyq elektrovozdar +50 jáne -50 gradýsqa deıin tózimdi
Olardyń qatarynda iri lokomotıv, júk vagondary, joldyń ústińgi qabatyna qajetti materıaldar shyǵaratyn «Elektrovoz qurastyrý zaýyty» JShS, «Lokomotıv qurastyrý zaýyty» AQ, «Qazaqstan vagon jasaý kompanııasy» JShS jáne «R.W.S. Concrete» JShS bar.
«Qazaqstan eń aldymen Eýrazııalyq ekonomıkalyq odaq aıasyndaǵy ıntegratsııalyq protsesterdiń belsendi qatysýshysy bolyp tabylady jáne Kedendik odaq tehnıkalyq reglament talaptary - kompanııamyzdyń basym mindetteriniń biri. 2011 jyldan beri aýqymdy túsindirý jumystary júrgizildi: 40-tan astam konferentsııalar, jıyndar ótti. Synaqtan ótkizý ortalyǵy búginde túrli synaq júrgizýge qajetti barlyq testileý quraldarymen jabdyqtalǵan», - dedi «QTJ» UK» AQ bas ınjeneri Batyr Kotyrev. 
Bas ınjenerdiń aıtýynsha, qazaqstandyq zaýyttarda shyǵarylatyn KZ8A serııaly magıstraldik elektrtasyǵyshtar, TEP 33A jáne T33AS serııaly teplovozdar, 12-9846 úlgisindegi júk kólikteri barlyq qozǵalys, dınamıkalyq jáne tejeýish synaqtarynan ótip, paıdalaný talaptarynyń biri bolyp tabylatyn +50-den -50 gradýsqa deıingi aýa raıy jaǵdaıyna tózimdi ekenin dáleldedi.
Bul synaqtar «QTJ» UK» AQ temir joldar jelisiniń qısyq joldy, túrli burmalary bar jáne eńis-oıpatty arnaıy aýmaqtarynda júrgizilgen. Munyń barlyǵy jyljymaly quramnyń sıpattamalaryn ádil baǵalaýǵa múmkindik bergen.
Saltanatty shara barysynda Batyr Kotyrev barlyq temir jol salasynyń qyzmetkerlerin kele jatqan kásibı merekemen quttyqtady jáne temir jol kóligi ónimderin Kedendik odaqtyń tehnıkalyq reglamentterine daıyndaýǵa súbeli úles qosqan birqatar mamandardy «Adal eńbegi úshin» tósbelgisimen, «Úzdik maman» ataǵymen, «QTJ» UK» AQ prezıdentiniń «Qurmet gramotasymen» jáne «Alǵys hattarymen» marapattady.
«Taǵy da kele jatqan merekemen jáne tıisti sertıfıkatqa qol jetkizýlerińizben quttyqtaımyn. Bul sertıfıkattar Qazaqstan aýmaǵynda ǵana emes, Eýrazııa ekonomıkalyq odaǵynyń 5 múshe-memleketteri aýmaǵynda óz ónimderińizdi usynýǵa múmkindik beredi. Eńbekte tabys, zor densaýlyq jáne otbasylyq baqyt tileımin!», - dep óz sózin túıindedi B. Kotyrev. 
