Qazaqstandyq eksporttyń quny jyl basynan beri 9,5 paıyzǵa qymbattady - QR UEM
ASTANA. QazAqparat - Qazaqstanda eksportalatyn taýarlardyń baǵasy 2018 jyldyń shilde aıynda ótken aımen salystyrǵanda 1,7 paıyzǵa, 2017 jyldyń jeltoqsan aıymen salystyrǵanda 9,5 paıyzǵa, al ımporttalatyn taýarlar 1 paıyzǵa (joǵaryda atalǵan aralyq boıynsha) jáne 3,2 paıyzǵa qymbattaǵan. Bul týraly QazAqparat tilshisi QR Ulttyq ekonomıka mınıstrligi Statıstıka komıtetine silteme jasaı otyryp habarlaıdy.
Esep berilip otyrǵan aralyqta eksporttyq tasymaldyń ishinde baǵanyń kóterilýi mysta (17,9 paıyzǵa), munaıda (14,2 paıyzǵa), marganetsvye keninde (13,5 paıyzǵa), alıýmınııde (10,3 paıyzǵa), qara metalldar prokatynda 8,4 (paıyzǵa), tabıǵı gazda (7,4 paıyzǵa), mys keninde (6,9 paıyzǵa), ferroquımalarda (6 paıyzǵa), qorǵasynda (4,8 paıyzǵa), kómirde (3,1 paıyzǵa) baıqalsa, myryshta 2,4 paıyzǵa tómendegeni belgili bolyp otyr.
Sonymen qatar, arpanyń baǵasy 13,4 paıyzǵa, maqta 6,2 paıyzǵa, bıdaı 3,7 paıyzǵa qymbattap, júnniń baǵasy 0,7 paıyzǵa arzandaǵany anyqtaldy.
Importtalatyn taýarlardyń ishinde temeki 15,6 paıyzǵa, jemister men jańǵaqtar 11,2 paıyzǵa, qus eti men balyq 6,4 paıyzǵa, shaı 5,9 paıyzǵa qymbattasa, kúnbaǵys maıy 4,5 paıyzǵa, qant 3,6 paıyzǵa, margarın 3 paıyzǵa, makaron ónimderi 2 paıyzǵa arzandaǵan.
Aıaq kıimderdiń baǵasy 23,4 paıyzǵa, qaǵaz 10,4 paıyzǵa, plastmassa 8,1 paıyzǵa, tigin buıymdary 5,9 paıyzǵa, boıaýlar men laktar 0,9 paıyzǵa kóterilgen.
