Qazaqstandyq eksporttaýshylardyń 3,2 mlrd teńge shyǵyny óteledi
QR Saýda jáne ıntegratsııa mınıstrligi baspasóz qyzmetiniń málimetinshe, 2019 jylǵy 18 jeltoqsan kúni «QazIndustry» AQ-na óńdelgen taýarlardy eksporttaýshy sýbektilerdiń shyǵynyn óteýge qatysty 350 kompanııadan 578 ótinim kelip túsken. Onyń ishinde 433 ótinim taýarlardy jetkizýge baılanysty shyǵyndar (taýarlardy temir, áýe, avtomobıl, teńiz kólikterimen jetkizýge baılanysty jáne tasymaldaýdy uıymdastyrý boıynsha shyǵyndar), 145 ótinim taýarlardy ilgeriletý boıynsha túsip otyr.
Aıta keterligi, otandyq óńdelgen taýarlardy ilgeriletý boıynsha ındýstrııalyq-ınnovatsııalyq qyzmet sýbektileri shyǵyndarynyń bir bóligin óteý qaǵıdalaryna sáıkes, olarǵa: shetelde taýarlardy jarnamalaýǵa jáne ilgeriletýge baılanysty shyǵyndar; qoımany ustaýǵa arnalǵan shyǵyndar; sheteldik naryqtarda taýarlardy tirkeýge jáne tehreglamentterge sáıkestikke arnalǵan rásimderden ótýge baılanysty rásimderdi júrgizýge arnalǵan shyǵyndar jáne taǵy sol sııaqty shyǵyn túrleri jatady.
«Qaǵıdalarǵa ózgerister engizilgennen keıin «QazIndustry» AQ-ǵa 336 ótinimder kelip tústi. 110 kompanııadan jalpy somasy 3,2 mlrd tengeni quraıtyn ótinim maquldandy», - dep atap ótedi mınıstrlikten.
